Nei Formatioun: 1re DAP – 1 Joer, 1 Beruff

D‘1re DAP ass eng intensiv Formatioun, déi dir erlaabt bannent engem Joer en unerkannten Diplom vun der Beruffsausbildung ze kréien. Du hues de Choix tëschent verschidde Beruffer , wéi Schräiner·in, Estheticien·ne, Zerspanungsmechaniker·in, etc. Du kanns dech aschreiwe wanns du schonn ee 1re-Diplom vum Enseignement secondaire classique oder général, en Techniker-Diplom oder e gläichgestallten Diplom hues.

D‘1re DAP bitt dir eng modern, praxis-orientéiert Formatioun, déi dengen Talenter an de Besoine vun der Lëtzebuerger Ekonomie entsprécht. Mat 2 Diplomer hues du méi Chancen dee Beruff auszeüben, deen am beschte bei dech passt.

D’Formatioun 1re DAP gëtt vum Service de la formation professionnelle vum Ministère fir Educatioun, Kanner a Jugend organiséiert.